坊間有唔少傳聞，話某啲方法或者食物係媽媽建立奶量嘅關鍵，究竟係真係假❓
✅奶量嘅建立，主要係靠BB嘅有效吸吮加上餐數頻密！
🌟身體就好似工廠，啲貨賣得快，生產就會增加補給；
😣相反，啲貨賣唔出，生產就會減少。
所以，BB有效嘅吸吮👍➕餐數頻密➡️母乳有效排出💦➡️身體知道要繼續產奶甚至增產📈；
相反，BB吸吮唔理想👎或進食餐數太少➡️媽媽乳房經常有奶積存➡️身體會產生抑制物，通知身體減產🚫📉
👍最佳嘅催乳師就係你嘅BB
❗️大力按摩或按壓乳房會造成痛楚，痛楚會壓抑噴奶反射，反而會影響出奶㗎
⚠️上奶食物只能輔助，只食上奶食物而冇有效同頻密咁排出母乳，只會令乳房脹痛，甚至形成乳管閉塞或乳腺炎。
😎選用聲稱可以調節奶量嘅食品時，要留意當中究竟那些成份係真係得到科研證明，不盲信廣告。
